Наурыз мерекесіне арнайы әуе компаниясы Sandyq қазақ тағамдары мейрамханасымен бірлесіп, ұлттық тағамдардың бірегей мәзірін әзірлеп, таныстырды, – деп хабарлайды aqshamnews.kz тілшісі.
Бірегей рецептер бойынша тағам дайындауға Алматыдағы ACS және Астанадағы QCS борттық тамақ дайындау цехтары көмектесті. Мәзірде бешбармақ, грильде пісірілген көкөністермен сиыр етінен жасалған
«Бұқпа», «Қымыз қабырға», қымыз ішіндегі қой қабырғалары және басқа да авторлық тағамдар бар. Дәстүрлі наурыз көже басты тағам болды. Бұдан басқа, екі кластың жолаушыларына да қазақ тәттілері ұсынылады.
Осылайша, әуе компаниясы борттық тағамдар, салондарды безендіру, ұшу кезіндегі қазақ музыкасы мен киносы арқылы ұлттық бірегейлік пен мәдениетті Қазақстанның жаһандық амбассадоры ретінде ілгерілетуді жалғастыруда.
"Наурыз - Қазақстандағы ең маңызды және сүйікті мерекелердің бірі, жаңару, қонақжайлық пен бірліктің нышаны. Біз үшін жолаушылардың осы мерекенің ахуалын ұшу кезінде де сезінуі маңызды. Сондықтан да біз ұлттық тағамдармен арнайы борттық мәзір дайындап, ойын-сауық
контентін жаңартып, жолаушыларымызға мерекелік сыйлықтар дайындадық. Осындай бастамалар арқылы біз еліміздің меймандарын қаз ақ мәдениетімен таныстыруға және саяхатты бұдан да жағымды әрі есте қаларлық етуге тырысамыз", - деп атап өтті Air Astana-ның борттық қызмет көрсету бойынша вице- президенті Елена Обухова.
Бұдан басқа, KC TV борттық ойын-сауық жүйесінде көктемгі жаңалықтар енгізіледі. Жүйеде танымал блогер Yuji Beleza және басқа да инфлюенсерлердің қатысуымен саяхат және гастрономия туралы бейнематериалдар, танымал қазақстандық подкасттар, сондай-ақ соңғы
әлемдік блокбастерлер пайда болды.
Мереке күндері бизнес-класс жолаушыларына Uly Dala фирмалық хош иісті сабын сыйға тартылады. Наурыз айынан бастап Air Astana алыс магистральды рейстердегі бизнес-класс жолаушыларына итальяндық Moschino дизайнерлік үйімен және британиялық TEMPLESPA премиум косметика брендімен серіктестікте жасалған жол жинақтарының жаңартылған нұсқасын ұсынады.
Көктемгі мерекелерге орай әуе компаниясы ұшу кезінде жылы және мерекелік ахуалды туғызатын қызғалдақтар салынған экрандар, жастық пен бас тірегіштің тыстарын әдеттегідей безендірді.