Ол сайлауға қатысудан бас тартты.
Әділбек Жақсыбеков Қазақстан футбол федерациясының президенті лауазымын сайлаудағы жаңа мерзімге қатысудан бас тартып, үндеу жасады, деп хабарлайды Almaty-akshamy.kz.
«ҚФФ мүшелерінің басым бөлігі мені қолдайтынын білдіріп, кандидат ретінде ұсынғанына қарамастан, мен жаңа мерзімге сайланбаудан бас тарттым. Менің ойымша, федерация төрағалығынан бас тартудың уақыты келді. ҚФФ президенттігіне лайықты үміткерлер көп және алдағы сайлауға қоғамның қызығушылығын байқауға болады. Бұл федерацияның жоғары беделін, футболға деген үлкен қызығушылықты, оның дамуы үшін жұмыс істеуге деген зор құлшынысының көрсеткіші және бұл да федерацияның соңғы жылдардары жүргізген жұмысының жемісі. Үміткерлердің барлығын жақсы білемін, біз көп жылдар бойы бірге жұмыс істедік. Мен федерация мүшелері лайықты президентті сайлайтынына сенімдімін және барлық үміткерлерге алдағы сайлауда сәттілік тілеймін», - деді өз мәлімдемесінде Әділбек Жақсыбеков.
Бір күн бұрын аталған федерацияның сайлау комитетінің жиыны өткен. Шара барысында комитет ҚФФ президенті сайлауына қауымдастық мүшелері ұсынған үміткерлердің құжаттарын қараған.
«Сайлау 2022 жылдың 28 ақпанында ҚФФ конференциясында өтеді», - делінген хабарламада.