2025 жылдың 1-10 сәуірі аралығында Алматы қаласында шахматтан аймақтық Азия чемпионаты (ерлер мен әйелдер), өтеді, деп хабарлайды aqshamnews.kz
Чемпионат Қазақстан шахмат федерациясы және Азия шахмат федерациясы мен Халықаралық шахмат федерациясы ұйымдастырып отыр.
Чемпионатқа 3.4 аймағы құрамына кіретін, FIDE-ге аффилирленген барлық ұлттық шахмат федерациялары қатыса алады. Әр федерация екі шақырылған қатысушыны (бір ер адам және бір әйел) тіркей алады, сондай-ақ ерлер үшін рейтинг 2000, әйелдер үшін 1600 баллдан төмен емес қосымша қатысушыларды тіркеуге болады.
Турнир швейцариялық жүйе бойынша өтеді, бірақ қатысушылар саны 10-нан аспаса, басқа жүйе қолданылуы мүмкін. Уақыт бақылауы: алғашқы 40 жүріске 90 минут, кейінгі ойын бөліміне 30 минут және әр жүріс сайын 30 секундтық қосымша уақыт беріледі.
Қатысушыларды тіркеу 2025 жылдың 1 наурызында басталады.