Дегенмен, ол астероид Айға соғылуы да ықтимал, деп хабарлайды aqshamnews.kz
Көлемі Пизан мұнарасымен бірдей алып тас біздің планетамызға 2032 жылдың 22 желтоқсанында соғылады деген болжам бар. Болжамның ықтималдығы – 2,3%. Аризона университетінде зерттеуші Дэвид Рэнкин жасаған орбиталық есептер 2024 YR4-тің Аймен соқтығысу ықтималдығы 0,3% шамасында дейді. Егер Айға соғылса, онда диаметрі 500-2000 метрлік кратер пайда болады. Есесіне Жер зардап шекпейді.
Лондондағы Имперлік колледждің планетология профессоры Гарет Коллинздің айтуынша, Айға соғылған астероидтың кейбір бөлшегі Жерге жетуі мүмкін.
Жерден айырмашылығы, Айдың өзін қорғайтын атмосферасы жоқ. Егер 2024 YR4 – сағатына 50 мың километр жойқын жылдамдықпен Айға соғылса, Хиросимаға тасталған атом бомбасынан 343 есе қуатты жарылыс болады дейді астрономдар.