1 шілдеден бастап Жаңа Конституция күшіне енеді, – деп хабарлайды aqshamnews.kz тілшісі.
Жалпыұлттық референдумда қабылданған жаңа Конституция 1 шілдеден бастап ресми түрде күшіне енеді. Бұл еліміз үшін маңызды саяси қадам. Негізгі өзгерістің бірі – бір палаталы Парламентке, яғни Құрылтайға көшу болмақ. Оның депутаттары партиялық тізім бойынша сайланады.
Сондай-ақ жаңа жүйеде алғаш рет Вице-Президент лауазымы болады. Қазақстан Халық кеңесі құрылады. Бұл орган заң жобаларын ұсынып, бастамалар көтереді. Ұлттық бірлік мәселелері бойынша ұсынымдар әзірлейді. Сонымен қатар адвокатура мен омбудсмен институттарының мәртебесі күшейтілді. Бұл құқық қорғау жүйесінің институционалдық негізін нығайтуға бағытталған.
Жаңа Ата Заңның басты ерекшеліктері мен өзгерістері:
Бірпалаталы Парламент: Қос палаталы жүйеден бас тартылып, бірпалаталы Парламент институты енгізіледі.
Адам құқықтары: Азаматтардың құқықтары, бостандықтары мен әлеуметтік кепілдіктері жаңа деңгейде қорғалатын болады.
Мерекелік күн: Жаңа Конституция күні бұдан былай жыл сайын 15 наурызда ұлттық мереке ретінде аталып өтеді.