«ҚазАвтоЖол» ҰК мәліметінше, ауа райының қолайсыздығына байланысты 15 желтоқсанда сағат 08:00-ден бастап екі облыста республикалық маңызы бар автожолдардың бірқатар учаскесінде қозғалысқа шектеу енгізілді, - деп хабарлайды AqshamNews.kz тілшісі.
Барлық көлік түрлері үшін қозғалыс төмендегі бөліктерде уақытша тоқтатылды:
-
Шығыс Қазақстан облысы: «Алматы – Талдықорған – Өскемен – Шемонаиха – РФ шекарасы» автожолы, 1013–1062 км (Абай облысының шекарасынан «Рубеж» бекетіне дейін).
-
Абай облысы: аталған автожолдың 971–1013 км аралығы (Қалбатау ауылынан ШҚО шекарасына дейін).
Жолдың ашылу уақыты шамамен алдын ала болжам бойынша 15 желтоқсан 2025 жылы сағат 13:00 деп жоспарланып отыр.