Алматы қаласында ҚР ҰҚК Терроризмге қарсы орталығы бөлімінің үйлестіруімен, құқық қорғау органдары мен жергілікті атқарушы органдардың профильдік басқармалары өкілдерінің қатысуымен террористік тұрғыдан осал объектілердің (ТТО) тізбесін жаңарту мәселесіне арналған жұмыс тобының биылғы алғашқы отырысы өтті.
Отырыс барысында қатысушылар объектілерді тізбеге енгізу және одан шығару критерийлерін, терроризмге қарсы қауіпсіздік шараларын іске асыру кезінде туындайтын проблемаларды, сондай-ақ ведомствоаралық өзара іс-қимылды жетілдіру қажеттілігін талқылады.
Арнайы назар қауіпсіздіктің заманауи техникалық құралдарын енгізуге, персоналды даярлау деңгейін арттыруға және объектілердің қорғалуын қамтамасыз етуге бағытталған ұйымдастырушылық шараларға аударылды.
Отырыс қорытындысы бойынша ТТО объектілерінің тізбесін түзету жөнінде ұсыныстар әзірленіп, терроризмге қарсы қорғаныс саласындағы нормативтік-құқықтық базаны және практикалық тетіктерді одан әрі жетілдіру бойынша нақты қадамдар айқындалды.
Қазіргі уақытта жұмыс тобы ТТО объектілерінің тізбесін жаңарту жұмыстарын мүдделі мемлекеттік органдар мен профильдік басқармалардың ұсыныстарын ескере отырып, жоспарлы түрде жалғастыруда.