«Зияткерлік марафон» Әділет министрлігінде өтті
Қазақстан Республикасы Мемлекеттік қызметшілер күніне орай Әділет министрлігінің Әдеп жөніндегі уәкілі Алма Сыдыкованың ұйымдастыруымен министрліктің орталық аппаратының мемлекеттік қызметшілері арасында "Зияткерлік марафон" өткізілді, деп хабарлады Almaty-akshamy.kz ҚР Әділет министрлігінің хабарына сілтеме жасап.
Іс-шараны өткізудегі ең басты мақсат - мемлекеттік қызметшілерді ынталандыру, ұжымда жағымды моральдық-психологиялық ахуалды қалыптастыру, сондай-ақ қызметкерлердің білімге және өзін-өзі дамытуға деген қызығушылықтарын ояту болып табылады. Аталған іс-шара ойын түрінде соңғы уақытта білім саласында оқу процесінде кеңінен пайдаланылатын KAHOOT бағдарламасының қосымшасы арқылы жүргізілді. Министрліктің құрылымдық бөлімшелерінен қатысқан барлық мемлекеттік қызметшілер өз тараптарынан аса белсенділік танытты. Нәтижесінде, 1-орынға Заңнама департаментінің сарапшысы Темірлан Медербекұлы, 2-орынға Тіркеу қызметі және заң көмегін көрсету департаментінің сарапшысы Ғалия Деме, 3-орынға Сараптамалық қызметті ұйымдастыру департаментінің сарапшысы Дамир Рахимбеков лайық деп танылды.
