Жастар саясаты, білім беру мен маркетинг саласының сарапшысы Асқар Азамат жаңа конституцияның күшіне енуін әділетті Қазақстанды құру жолындағы маңызды қадам деп бағалады, – деп хабарлайды aqshamnews.kz тілшісі.
Оның айтуынша, жаңартылған Ата заң азаматтардың құқығы мен бостандығын қорғауды күшейтіп, «Әділетті Қазақстан», «Заң мен тәртіп» пен «Таза Қазақстан» сияқты негізгі мемлекеттік қағидаттарды бекітеді.
«Ең маңыздысы – алғаш рет адамның цифрлық кеңістіктегі құқығы мен қауіпсіздігін қорғау жағы конституциялық деңгейде бекіді. Бұл қазіргі заман талабына сай, қоғамның сұранысына да жауап береді», – деді сарапшы.
Ол жаңа конституция елдің одан әрі дамуына берік құқықтық негіз қалыптастырып, жастар мен азаматтық қоғам үшін жаңа мүмкіндік ашатынын атап өтті.