Жақында Ә. Қастеев атындағы өнер мұражайында суретшінің 120 жылдығына орай тағылымды шара өтті.
Ән мен күй әуелеген жиында балалар шығармашылығының көрмесі қортындыланып, жүлдегерлер марапатталды. Алматы қаласындағы №199 мектептің бір топ оқушылары «Анимация» аталымы бойынша үздік деп танылды.
«Командалық жұмысымыздың жоғары бағаланғанына қуаныштымыз. Бейнелеу өнері – кешегі және бүгінгі ұрпақтар сабақтастығы, үздік идеялар жемісі», – дейді талапкер өрендер.
«Әбілхан Қастеев – ғасыр мұрасы» көрмесі суретші болмысын жан-жақты ашты. XX ғасырдың аса көрнекті суретшісі ұлтымыздың тұрмыс-тіршілігін, табиғат көріністерін көркем пейзаж ретінде кестелеп, тарихи тұлғалар портретін салған. Әбәлхан Қастеев қылқаламмен тарих бетінде мәңгі ізін қалдырды.