24 мамырда E-Petition.kz ресми порталында жарияланған утиль алымына қатысты петиция 50 000 қол жинап, үкіметтің қарауына жіберілген еді.
Елімізде утиль алымы бойынша петицияны қарау жөніндегі жұмыс тобы бекітілді, деп хабарлайды Almaty-akshamy.kz
Өнеркәсіп және құрылыс министрлігі дерегінше, жұмыс тобының құрамына парламенті депутаттары, өнеркәсіп және құрылыс, экология және табиғи ресурстар, қаржы, ауыл шаруашылығы, цифрлық даму, инновациялар және аэроғарыш өнеркәсібі, мәдениет және ақпарат вице-министрлері, сыртқы істер министрінің орынбасары, басқа да мүдделі мемлекеттік органдардың өкілдері кірді.
Министрліктің баспасөз қызметі жұмыс тобының қызметі туралы ресми сайты мен t.me/minpromstroykz телеграм-каналында хабарлайды.