Оның ішінде «қаңтар» оқиғалары кезінде ұрланған қарулар да бар.
Ұлттық қауіпсіздік комитеті 2023 жылдың сәуір және мамыр айларында полициямен бірге, сонымен қатар прокуратура органдарымен әрекеттесе отырып 40-тан аса қару тәркіледі, деп хабарлайды Almaty-akshamy.kz.
«Нәтижесінде 42 бірлік қару («МР-40» автоматы, «Драгунов» снайперлік винтовкасы, 22 мылтық, 18 тапанша), 8 граната, РПГ-ның 2 снаряды, 4051 түрлі калибрлі оқ-дәрі, сонымен қатар броньды қорғаныс кеудешелер, автоматтардың оқжатарлары, радиостанциялар және пышақтар тәркіленді», деп хабарлады ҰҚК баспасөз қызметі
Аталған фактілер бойынша сотқа дейінгі тергеу жүргізіліп жатыр. Заңсыз айналымда жүрген қару-жарақты іздестіру мен тәркілеу шаралары да жалғасып жатыр.