Қазақстанда 1 шілдеден бастап ұн, май және алкоголь қымбаттайды, деп хабарлайды aqshamnews.kz
Сауда және интеграция министрлігі негізгі өнімдердің минималды көтерме бағасын жаңадан бекітті. Осылай, 1 шілдеден бастап ұн, күнбағыс майы және алкоголь бағасы қымбаттайды.
Жұмсақ бидай мен спельта ұнының бағасы шамамен 45%-ға өседі. Жаңа шекті баға — 139,81 теңге. Бұрынғы баға 96,65 теңге еді. Ал күнбағыс майының бағасы бірден 61,2%-ға өседі.
Коньяктың бағасы 21,5%-ға өсіп, литрі 3282,97 теңге болады. Арақ 6,4%-ға қымбаттап, литрі 1136,16 теңге болады. Шілдеден бастап нан пісіруге арналған ашытқының да бағасы қымбаттайды.