90 орындық клубқа көрермендер залы мен жас бүлдіршіндерге арналған үйірме сабақтарын ашу жоспарлануда
Әз Наурыз мерекесі күні Алакөл ауданы Архарлы ауылдық округінде күрделі жөндеуден өткен мәдениет клубы халық игілігіне берілді, деп хабарлайды Almaty-akshamy.kz .
Жұртшылық асыға күткен өнер ордасының салтанатты ашылуына аудан әкімі Алмас Абдинов арнайы қатысып, ауыл халқын қос қуаныштарымен құттықтап, нысанның құрылыс жұмыстарына демеушілік көрсеткен аудан жанашыры, меценат, «ZHERSU» инвестициялық – өндірістік корпорациясы бақылау кеңесінің төрағасы Бауыржан Кенесбекұлы Оспановқа алғысын білдірді.
Сондай – ақ, ауыл азаматтары атынан қаңқасы қалаңған ғимараттың абаттандыру жұмыстарына көмек көрсеткен жеке кәсіпкер Асқар Себеповке ауылдық ардагерлер кеңесінің төрағасы К.Мамырбеков шапан жауып, Күміс Нүсіповаға ризашылығын жеткізді.
Айта кетерлігі, бір қабатты 90 орындық клубқа көрермендер залы мен жас бүлдіршіндерге арналған үйірме сабақтарын ашу жоспарлануда. Қазіргі таңда мекемеге 5 адам тұрақты жұмыспен қамтылды.