Алматы қаласы Қылмыстық атқару жүйесі департаментіне қарасты N11 мекемеде ұлы Абайдың мұрасын дәріптеген кеш өтті, – деп хабарлайды aqshamnews.kz тілшісі.
Аталған түзеу мекемесінде жазасын өтеп жатқан жасөспірімдер Абай күніне арнап дайындаған өлеңдерін оқыды. Ұлы ойшылдың қара сөздері де жүректерге жетті.
Рухани һәм тағылымдық кешті колония кітапханашысы ұйымдастырған болатын. Іс-шараға арнайы шақырылған "Аналарға құрмет " музейінің директоры Гүлнар Әбіш және осы музей қызмектері Аяжан Қайратқызы танымдық әңгіме өрбітті. Абай шығармашылығының жастар тәрбиесіндегі маңызына тоқталып, ана махаббаты, әке беделі, отбасылық құндылықтар және ізгілік жолы туралы ой қозғады.
Сонымен қатар өздерімен ала келген Абай портретіне шолу жасады.
Музей директоры мекемедегі кітапханаға "Сәукеле" деп аталатын картина тарту. Мұндай сый, туындының ғимарат қабырғасының сәнін келтірері сөзсіз.
Меймандар жазасын өтеп жатқан жасөспірімдердің өнерге деген талпынысы және рухани жаңаруға деген құштарлығы үшін алғыс айтты.