Зульфия БАЙСАҚОВА, Алматы қаласы Қоғамдық кеңесінің мүшесі, “Дағдарыс орталықтарының одағы” ЗТБ төрағасы:
— Ұлттық құрылтай — қоғамдағы өзекті мәселелер мен Президент арасын жалғайтын көпір десем қателеспеймін. Мен мұны сол құрылтай мінберінде мемлекеттік-әлеуметтік тапсырыс критерийлерін қайта қарау және заңнаманы жетілдіру қажеттілігі туралы өз пікірімді білдірген кезде анық сезіндім. Секция отырысында қиын жағдайдан шығу жолдарын ұсындым. Менің ұсыныстарым назардан тыс қалмады: олар Президенттің мемлекеттік құрылымдарға берген тапсырмаларында жалғасын тапты.
“Азаматтық сектор реформаларды жүргізу және қоғамды дамыту ісінде маңызды рөл атқарады. Мемлекет пен ҮЕҰ серіктестігі өзекті мәселелерді шешуге, жасампаз құндылықтарды дәріптеуге, ұлттың жаңа сапасын қалыптастыруға ықпал етеді. Сондықтан мемлекеттік әлеуметтік тапсырыстың тиімділігін арттыру үшін қазіргі заманның талаптарына сай келетін жеке заң керек. Әрине, заң жобасы терең және жан-жақты сараптамадан өтуге тиіс. Құзырлы органдар сарапшылар мен қоғамдық ұйымдарды тарта отырып, бұл мәселемен айналысуы керек”, — деді Мемлекет басшысы.
Демек, Ұлттық құрылтай шын мәнінде азаматтардың бастамалары қаралатын және қажет болған жағдайда НҚА өзгерістері, бағдарламаларды әзірлеу және басқа да тетіктер арқылы іске асырылатын пәрменді құрал болып табылатынын растайды.