Қазақстан азаматтарына Украинаны тастап шығу ұсынылды.
Украинадағы шиеленістің күшеюіне байланысты Қазақстанның Украинадағы елшілігі өз азаматтарына елден кетуді ұсынды.
«Қазақстан азаматтары Украинадан Қазақстанға Польша немесе Молдова арқылы жерүсті маршруттарын пайдалана алады, содан кейін коммерциялық әуе рейстерімен жолға шыға алады. Егер Польша арқылы кетсе, Шенген визасы болуы қажет. Молдоваға кіру үшін виза талап етілмейді», – деп хабарлады елшілік.
Сонымен бірге, елшілік әуе дабылын елемеуге болмайтынын ескертті және қажет болған жағдайда дереу паналайтын жерге баруды, қауіпсіздік шараларын сақтауды және ресми биліктің нұсқауларын орындауды шақырды.
Елшіліктің консулдық бөлімінің байланыс нөмірлері: +38(044) 4831596, +38(044) 4891031.
Қазақстан азаматтары үшін жедел желі нөмірі (төтенше жағдайларда): +380673470408.
3 қыркүйекте Ресей Полтавадағы әскери байланыс орталығына зымырандық шабуыл жасады. Шабуыл салдарынан 51 адам қаза тауып, тағы 271 адам жараланды.