Украинада еліміздің азаматтарына тиесілі 1 457 жүк вагоны тұр
11 наурыздағы жағдай бойынша Украинадан қазақстандық меншік иелеріне тиесілі 57 жүк автокөлігінің 49-ы шықты. ИИДМ мәліметінше, бұл елдің аумағында 8 жүк көлігі, оның ішінде украиндық жүргізушілері бар Қазақстанның 4 жүк көлігі қалып отыр, деп хабарлайды Almaty-akshamy.kz Elorda.info сайтына сілтеме жасап.
Сонымен қатар, Украинада еліміздің азаматтарына тиесілі 1 457 жүк вагоны тұр. Оларды басқа бағыттарға жіберу жұмыстары жалғасуда.
Халықаралық тасымалдарда туындаған мәселелер бойынша жедел әрекет ету үшін ҚР ИИДМ, «Қазақстан темір жолы» ҰК» АҚ және еліміздің теңіз порттары жанынан «жедел желілер» ашылды. Мүдделі тараптармен келіссөздер жүргізіліп жатыр.
"Ақтау және Құрық теңіз порттары қалыпты режимде жұмыс істеп тұр. Жүктер бөгеліп жатқан жоқ", – делінген министрліктің хабарламасында.