Қазақстан футбол федерациясының президентіне УЕФА не үшін наразы?
Еуропалық футбол қауымдастықтары одағы (УЕФА) Қазақстан футбол федерациясының президенті Әділет Барменқұловтың құпия ақпаратты жария етуіне байланысты ренішін білдірді, деп хабарлайды aqshamnews.kz.
Барменқұловтың УЕФА-ға мүше елдердің жартысынан көбі Ресейдің жастар құрамаларын халықаралық турнирлерге қайта қатыстыруды қолдайтыны туралы мәлімдемесі ұйым тарапынан реніш тудырды.
«Топтық отырыстардың бірі еуропалық футболға саясаттың әсері туралы болды, онда геосаяси мәселелер мен өзекті тақырыптар талқыланды. Біз сенімділік бұзылғанына, әрі дұрыс емес ақпарат жарияланғанына ренжуліміз. Бұл әрекет біреудің саяси ұпай жинау үшін жасағаны айқын», — деп мәлімдеді УЕФА баспасөз қызметі ТАСС агенттігіне сілтеме жасай отырып.
Еске сала кетейік, осыдан бұрын Қазақстан футбол федерациясының президенті Әділет Барменқұлов УЕФА-ға мүше елдердің жартысынан астамы Ресейге қатысты санкцияларды жеңілдетуді қолдауға дайын екенін айтқан болатын.
2022 жылдың ақпан айынан бері ФИФА және УЕФА Ресейдің клубтары мен құрамаларын Украинадағы жағдайға байланысты халықаралық турнирлерден шеттеткен болатын.