Атырау мешітінің қызметкерлері имамның үстінен арызданып жатыр.
Атырау қаласындағы "Құспан Молда" мешітінің қызметкерлері имам Эммат Ғұмаровтың үстінен арызданып, журналист Ораз Әлімбекке хат жазған, деп хабарлайды aqshamnews.kz Ulysmedia.kz-ке сілтеме жасап.
Олар мешім имамының теріс қылықтары туралы ҚМДБ төрағасы, бас мүфти Наурызбай Өтпеновке қаншама рет арызданса да, осы уақытқа дейін оған байланысты ешқандай шара қолданылмай отырғанын айтады.
«Төмендегі арызда айтылған айыптаудың рас яки өтірігін білмедім. Мүфтият қалай да жамағаттың жанайқайына назар аударып, осы арыз бойынша тексеру жүргізуі тиіс. Себебі, мешіт имамын тағайындау Бас мүфтидің бұйрығы бойынша жүзеге асады. Ал менің қолымда тұрған не бар?!. Мен Ақиқат пен Әділдік іздеген жалаңаяқ журналистің бірімін ғой», – деген мешіт жамағатының хатын жариялаған журналист.
Оның айтуынша, Эммат Ғұмаров өзіне лайықсыз, бірақ дін арқылы пайда табатын мешіт мінберін сақтап қалу үшін мүфтият басшылығына Атыраудың бекіресі мен қара уылдырығын ай сайын жіберіп тұрады.
Атыраулық кәсіпкерлер мен меценаттардың арқасында әбден байыды, соның арқасында үйір-үйір жылқысы, жүздеген түйе мен сиыр-қойы бар.
Сонымен қатар Эммат Ғұмаров Құранды тәжуид бойынша қате оқиды, діни білімі өте нашар.
Ең сорақысы тәнін сататын жеңілтек қыздарға барып, боди массаж жасатып, жыныстық қатынасқа түсетінін дүйім жамағат біледі.
Дінімізде тиым салынған темекі, насыбай, анаша да шегеді.
Өзі құдды бір имам емес, театрда қызмет жасайтын сайқымазақ секілді үнемі былапыт-көргенсіз анекдоттар айтады.
Эммат Ғұмаров 30-жыл бойы елді сорлатып, сәләфизмнің Қазақстанда таралуына мүдделі Нұрсұлтан Назарбаевты үнемі мадақтауын тоқтатқан емес.
«Құрметті Ораз аға! Сіз дәстүрлі дінімізді жемқор және аморальды имамдардан мейлінше қорғап жүрген Қазақстандағы жалғыз журналистсіз, осы жанайқаймызды дүйім халыққа жариялауыңызды өтінеміз. Құрметпен: "Құспан Молда" мешітінің бір топ жамағаты", – делінген хатта.