Көлік және жол инфрақұрылымын жақсарту жұмыстары жалғасуда.
"Оның құрылысы 2023 жылғы мамырда басталады", - деді бүгін аудан тұрғындарымен кездескен Алматы әкімі, деп хабарлайды Almaty-akshamy.kz
1) Аудан тұрғындарының өтініші бойынша №13 автобус маршруты Спасская көшесіндегі 77 үйге дейін және №215 автобус маршруты «Шуақты» шағынауданына дейін ұзартылды. Сондай-ақ, «Қайрат» шағынауданына кіріп-шығу арқылы №138 автобус маршрутының схемасы өзгерді.
2) Жолдағы қауіпсіздікті қамтамасыз ету мақсатында Сүйінбай даңғылына реттелетін 4 жаяу жүргіншілер өткелі орнатылды. Тұрғындардың өтініші бойынша 70-ші разъездегі бағдаршам ауыстырылды.
Тұрғындардың қауіпсіздігі мен жайлылығы үшін 9 көшеге 7 км тротуар салынды.
Анықтама үшін: Сейфуллин даңғылы, Ақан Сері, Дөнентаев, Закарпатская, Лавренев, Майлин, Наманганская, Остроумов, Папанин көшелері.
Биылғы жылдың желтоқсан айында «Парасат» ТК жанындағы Рысқұлов даңғылы мен Ержанов көшесіндегі теміржол арқылы Шатский көшесіне екі жерүсті өткелін жобалау аяқталады. Құрылысы 2023 жылғы мамырда басталады.
«Менің тапсырмам бойынша Сүйінбай даңғылы мен Майлин көшесіндегі жаяу жүргіншілердің жерүсті өткелдеріндегі көтергіш құрылғыларды қалпына келтіру үшін бюджеттен қосымша қаражат бөлінді. Жұмыстар осы жылдың қараша айының соңында аяқталады», - деді қала басшысы.