Түркістан облысы, Ж.Ералиев ауылдық округінде орналасқан «Орынбай ата» шаруа қожалығы ерте піскен қырыққабаттың алғашқы өнімін Ресейге экспорттады, деп хабарлайды aqshamnews.kz АШМ-ге сілтеме жасап.
Шаруа қожалығының басшысы Нұрлыбек Жайынбаевтың айтуынша, «Магнус» ерте пісетін қырыққабат тұқымы ақпан айының соңында себілген. Жақында оның алғашқы партиясы Ресей Федерациясының Пермь қаласына жөнелтілді. Шаруа жақын күндері «Зарисма» сортты қырыққабаттың өнімін күтуде және «Аэропорт» сортты қауын егуді жоспарлап отыр.
Жалпы, Жетісай ауданында ерте пісетін қырыққабат 1158 гектар аумаққа егілген, оның 893 гектарында су үнемдеу технологиялары қолданылады. Болжам бойынша, жалпы өнім көлемі 50 мың тоннаға дейін жетуі мүмкін. Өнімнің басым бөлігі Ресей, Беларусь және Еуропа елдеріне экспорттауға бағытталған