Жақында олар Алматы мен Шымкент базарларына түседі.
Сайрам ауданының жылыжайында, 9 ай бойы піскен банандардың алғашқы өнімдері жиналды, деп хабарлайды Almaty-akshamy.kz
Аlmaty.tv ақпараты бойынша, өндірушілердің уәдесімен жергілікті банандар импортталғандарға қарағанда арзанырақ болады.
Бір ағаштағы жемістің салмағы 40 килограмнан асады. Олар жылына бірнеше рет егін жинауды жоспарлап отыр.
"5 гектарда 9 мың ағаш бар. Алғашқы егіннен бастап 600 тонна жинауды жоспарлап отырмыз. Болашақта банандарды жылына 2-3 рет жинау ойда бар. Жалпы, 12 айда 2000 тоннаға дейін жеміс алу мақсатымыз", дейді кәсіпкер Ислам Әлиев.
Енді фермер авокадо өсіруді де қолға алғысы келеді.