Түркияда Құрбан айт мерекесінің алғашқы күнінде құрбандық шалу барысында 14 372 адам жарақат алып, медициналық көмекке жүгінген, деп хабарлайды aqshamnews.kz тілшісі.
Бұл мәліметті елдің денсаулық сақтау министрі Кемаль Мемишоғлу X әлеуметтік желісіндегі парақшасында жариялады. Оның айтуынша, жарақат алғандардың қатарында Анкарадан – 1049, Стамбулдан – 753, Коньядан – 655, Газиантептен – 634 тұрғын тіркелген.
Мұсылман қауымы бұл күні құрбандық шалып, етін мұқтаж жандарға таратады. Алайда Түркияда жыл сайын осы діни рәсім кезінде жарақат алу деректері жиі кездеседі.
Министр Мемишоғлу тұрғындарға қауіпсіздік шараларын қатаң сақтауға, сондай-ақ құрбандықты арнайы дайындықтан өткен мамандарға ғана шалдыруға кеңес берді.
Айта кетейік, 2024 жылы да Құрбан айттың бірінші күнінде Түркияда 16 мыңға жуық адам дәрігерлер көмегіне жүгінген болатын.