3 мамыр — Түркі әлемінің ынтымақтастық күні.
Түркілік ынтымақтастық мерекесін атап өту тарихына шамамен 80 жыл толып отыр, деп хабарлайды aqshamnews.kz
Бұл тарихи күн алғаш рет 1944 жылы 3 мамырда Түркияда — Топқана әскери түрмесінде Нихал Атсыз, Зәки Уәлиди Тоған, НедждетСанжар және Реха Оғыз Түрккан бастаған он тұтқын тарапынан атап өтілген.
Сол уақыттан бастап бұл күн кең ауқымды сипат алып, түркішілдер арасында жоғары деңгейде аталып өтетін дәстүрге айналды.
3 мамыр күні Бакуде, М.Мағомаев атындағы Әзірбайжан Мемлекеттік Академиялық Филармониясында Әзірбайжан Республикасы Мәдениет министрлігінің, Түркі мәдениеті мен мұрасы қорының және Филармонияның бірлескен ұйымдастыруымен Түркі әлемінің ынтымақтастық күніне арналған «Бірлік рухы» атты концерт өтеді.
Концерттік бағдарламада Ниязы атындағы Әзірбайжан Мемлекеттік симфониялық оркестрі (дирижерлер – ЯлчынАдыгөзәлов және Қанат Омаров) мен Қазақстанның «Тұран» фольклорлық ансамблі өнер көрсетеді. Бағдарламада Әзірбайжан, Қазақстан, Қырғызстан, Түркия, Мажарстан, Өзбекстан және Түрікменстан композиторларының шығармалары мен халық әндері орындалады.