Тоқаев Трампқа жасалған қастандықты қатаң айыптады.
«Мемлекет басшысы Қасым-Жомарт Тоқаев Америка Құрама Штаттарының бұрынғы президенті Дональд Трампқа жасалған қастандықты қатаң айыптайтынын мәлімдеді және оның тезірек сауығып кетуіне тілектестік білдірді»-, деп хабарлайды Almaty-akshamy.kz Ақорданың баспасөз қызметіне сілтеме жасап.
Американың бұрынғы президентіне халық алдында сөз сөйлеп тұрған кезінде оқ атылды. 78 жастағы Дональд Трамптың оң жақ құлағын оқ жаралап өткен, қазір ауруханада.
ВВС-дің хабарлауынша, оқ атқан адам мен жиынның бір қатысушысы көз жұмған.
Дональд Трамп дер кезінде көмекке ұмтылған құқық қорғау органының қызметкерлеріне алғыс айтты.