Президент қатты тұрмыстық қалдықтарды өңдейтін зауыт құрылысын жеделдетуді тапсырды, - деп хабарлайды aqshamnews.kz тілшісі.
Мемлекет басшысына зауыт құрылысының барысы туралы экология және табиғи ресурстар министрі Ерлан Нысанбаев пен елорда әкімі Жеңіс Қасымбек баяндады. Жоспарлармен танысқаннан кейін Президент зауыт құрылысын жеделдетуді тапсырды.
Халық санының өсуіне байланысты елордада қалдық көлемі де артып келеді.
Бұған дейін экология министрі Ерлан Нысанбаев Қазақстанда жылына 4 миллион тоннадан аса қалдық түзілетінін, соның тек 24 пайызы ғана сұрыпталып, қайта өңделетінін айтқан. Осыған байланысты Астана, Алматы және Шымкент қалаларында қоқыс жағу зауыттарын салу жоспарланып отыр.
