Елімізде қолма-қол және бөліп төлейтіндер үшін екі түрлі баға енгізілмек, деп хабарлайды aqshamnews.kz
Қаржы нарығын реттеу агенттігінің төрайымы Мәдина Әбілқасымова тауарларды қолма-қол және бөліп төлеп сатып алатындар үшін екі түрлі баға көрсету бастамасын қолдады.
Әбілқасымованың сөзінше, бөліп төлеу — бұл банк арқылы рәсімделетін несиенің бір түрі. Сондықтан сатып алушы қанша артық төлейтінін нақты білуі керек. Бұл бағаны салыстырып, саналы шешім қабылдауға мүмкіндік береді дейді.
«Егер тауарды қолма-қол ақшаға алса — бір баға, ал бөліп төлеумен алса — қанша қосымша үстеме ақы қосылатыны нақты көрсетілуі керек. Дәл несие алғандағы сияқты. Пайызы мен жалпы артық төлем мөлшерін білу қажет», - деді.
Агенттік мүдделі мемлекеттік органдармен бірлесіп, тұтынушыларды ақпараттандыру және жасырын үстеме бағаларды болдырмау үшін дифференциалды баға жүйесін енгізу бағытында жұмысты жалғастырмақшы. Осыған қатысты заңға өзгеріс енгізу мәселесі жыл соңында шешілмек.