Атырау облысының прокуратурасы табиғатты қорғау саласындағы қауіпті қалдықтар айналымын қадағалауды тұрақты түрде жүзеге асырады.
Бұл қадағалау барысында «Каспий нефть» АҚ-ның 2021-2022 жылдары бұрғылау және кен орнын пайдалану қызметінде құралған 4500 тоннадан астам қауіпті қалдықтарға жинақталу лимитін алмағаны анықталды.
Прокуратураның ұсынысын қарау нәтижесінде сот «Каспий нефть» АҚ-ны Әкімшілік құқық бұзушылық туралы кодекстің 328-бабы бойынша әкімшілік жауапкершілікке тартып, 13 684 868 730 теңге айыппұл салды.
Айта кетейік, KASE мәліметтері бойынша, «Каспий нефть» акцияларының 100 пайызы Тимур Құлыбаевтың Joint Resources АҚ-на тиесілі.