Портал арқылы 400 мыңнан астам адам тұрақты және уақытша жұмыс орындарына орналасады.
"Еңбек ресурстарын дамыту орталығы" АҚ вице-президенті Шалқар Байқұлақов Қазақстанда жылдам жұмыс табу үшін Enbek.kz платформасы жұмыс істейтіндігін еске салды, деп хабарлайды aqshamnews.kz
"Бұл азаматтарға қолайлы жұмыс орындарын тез табуға және жұмыс берушілерге қажетті мамандар табуға мүмкіндік беретін көптеген қызметтері бар цифрлық экожүйе",- деді ол.
Оның айтуынша, тіркелген ізденушілер түйіндемесін тез әрі оңай орналастыра алады. Сондай-ақ, оны жаңартып отыруға болады. Қолайлы бос жұмыс орындарын іздеумен бірге, өзін қызықтырған жұмыс орындарға түйіндемелерін жібере алады.
"Сонымен бірге, бапталған жасанды интелект моделі арқылы Enbek.kz сіздің дағдыларыңызды, біліміңізді, жұмыс тәжірбиеңізді ескере отырып, ең қолайлы жұмыс орындарын таңдайды. Жұмыс берушілер өз кезегінде бос жұмыс орындары туралы мәлімет орналастырып, жұмыс іздеушілердің өзекті түйіндемелерін көре алады. Үміткерлерді сұхбаттасуға шақыруға болады немесе тікелей платформада онлайн режимінде сұхбат өткізе алады", деді Шалқар Байқұлақов.
Ол Enbek.kz-те жыл сайын 1 млн. астам жұмыс орны туралы ақпарат, 600 мың түйіндеме орналастырылатындығын айтты.