Tesla компаниясы Optimus атты гуманоид роботтарды 2027 жылдан бастап нарыққа шығаруды жоспарлап отыр.
Компания басшысы Илон Маск Давоста өткен Дүниежүзілік экономикалық форумда осылай деп отыр. Сөзінше, Tesla зауыттарында бірнеше Optimus роботы қазірдің өзінде қарапайым тапсырмаларды орындайды. Жыл соңына дейін олар күрделі жұмыстарды атқаруға көшуі тиіс.
Илон Маск гуманоид роботтар жасау идеясын алғаш рет 2021 жылы айтты. 2024 жылдың қазан айында Optimus көпшілікке ресми түрде таныстырылды. Роботтың бағасы 20-30 мың доллар шамасында болуы мүмкін. Өткен жылдың мамырында Tesla басшысы Optimus роботының билеп тұрған видеосын жариялады. Ал қазан айында робот Голливудтағы қызыл кілемде кунг-фу қимылдарын көрсеткен.
