Еуропалық футбол қауымдастықтары одағы (УЕФА) "Қайрат" қақпашысы Темірлан Анарбековтің "Олимпиакосқа" қарсы матчтегі екі сейвін Чемпиондар лигасының ойын күніндегі ең үздік құтқарулар қатарына қосты, - деп хабарлайды aqshamnews.kz тілшісі.
22 жастағы қазақстандық қақпашы грек клубына қарсы өткен ойында сегіз сейв жасады және УЕФА-дан "Матчтің үздік ойыншысы" марапатын иеленді.
Осы сегіз сейвтің екеуі тоғыз кездесу қорытындысы бойынша жасалған үздік сейвтер топтамасына енді.
Темірлан Анарбековтен бөлек, УЕФА сонымен қатар "Баварияға" қарсы матчте (3:1) "Спортинг" қақпашысы Руи Силваның, "Тоттенхэмге" қарсы ойында (3:0) чехиялық "Славия" қақпашысы Йиндржих Станектің және бельгиялық "Юнионға" қарсы матчте (2:3) "Марсель" қақпашысы Херонимо Рулидің сейвтерін атап өтті.
Бұл туралы УЕФА Чемпиондар лигасының ресми Instagram-парақшасында да жарияланды.
Еске сала кетейік, "Қайрат" – "Олимпиакос" кездесуі қонақтардың пайдасына 0:1 есебімен аяқталды. Голды португалиялық Желсон Мартинш соққан болатын.