Елімізде театр қызметінің бағасы 26%-ға өскен.
Жалпы демалыс және спорт саласындағы қызметтердің көлемі бір жылда 60%-дан астам қымбаттаған, деп хабарлайды Almaty-akshamy.kz Еnergyprom.kz сайтына сілтеме жасап.
2021 жылғы қаңтар-желтоқсанда Қазақстан Республикасында спорт, демалыс және ойын-сауық саласындағы қызметтер 400,5 млрд теңгені құрады, бұл бір жыл бұрынғыдан 60,9%-ға артық.
Экономиканың бақыланбайтын секторын есепке алмағанда, бұл салада 399,2 млрд теңгеге қызмет көрсетілген. Құндық мәндегі жылдық өсім 67,9%-ды құрады.
Өңірлік тұрғыдан алғанда, қызмет көрсетудің 58,4%-ы бір ғана – Алматы облысына тиесілі: 233,3 млрд теңге, бұл 2020 жылғы қаңтар-желтоқсанмен салыстырғанда ақшалай түрде 5,7 есе көп. Үздік үштікке сондай-ақ елорда (43,6 млрд теңге, минус 37,2%) және Қарағанды облысы (13,9 млрд теңге, минус 16,7%) кіреді.
Спорт саласында 114,4 млрд теңгеге, демалыс және ойын-сауық саласында 284,8 млрд теңгеге тікелей қызмет көрсетілді.
Спорт саласындағы қызметтердің ең көп көлемін спорт клубтары көрсетті: 25,9 млрд теңге, бұл жылына 9,9%-ға артық деген сөз. Одан кейінгі орында фитнес-клубтардың қызметі және спорт нысандарын пайдалану қызметтері тұр.
Көңіл көтеру және демалыс саласында негізгі көлемді ойын-сауық және түрлі саябақтардың қызметтері құрады: 9,2 млрд теңге, яғни жылдық өсімі 77,2%. Одан кейінгі ретте қуыршақ театрларының, сонымен қатар би залдары мен дискотекалардың қызметтері бар.
Ағымдағы жылдың ақпан айының қорытындысы бойынша, демалыс, ойын-сауық және мәдениет саласындағы қызметтердің құны бір жылда 6,2%-ға өсті. Оның ішінде театр қызметтері 26,2%-ға, бассейндер (абонемент) 9,6%-ға, балалар аттракциондары 7,4%-ға, кинотеатрлар 5%-ға, спорт залдары (жазылу) 4,7%-ға қымбаттады. Фотографтардың қызметі 5,4%-ға қымбаттады.
Өңірлік тұрғыдан қарағанда, бұл сектордағы бағаның ең қатты қымбаттауы Алматы облысында тіркелді: бірден жылына 15,2%-ға өскен. Бұдан кейінгі орында Қызылорда облысы (12,4%) және Шымкент қаласы (10,3%) да бар. Ал, Қарағанды облысында осы сала бойынша қызмет көрсету құнының аздап қана, яғни 0,1%-ға төмендеуі байқалды.