"Пафос футбол клубының бас бапкері Карлос Каркедо Чемпиондар лигасының жалпы кезеңдегі "Қайратқа" қарсы сырт алаңдағы кездесуде командасының жеңіске жету мүмкіндіктері болғанын айтты, - деп хабарлайды AqshamNews.kz тілшісі.
Кипрлік клубтың бас бапкерінің ойыннан кейінгі баспасөз мәслихатында айтуынша, 0:0 есебімен аяқталған матчте оның командасы үш-төрт нақты голдық мүмкіндікке ие болған. Сонымен қатар, ол Темірлан Анарбековтің ойынына қатысты пікір білдірді.
"Қайраттың қақпашысы тамаша сейв жасады. Біз он ойыншымен ойнауға дайын едік. Екі қақпашы да жақсы ойын көрсетті, бірақ "Қайраттың" голкипері бірнеше сәтте командасын құтқарып қалды." – деді Пафос бапкері Карлос Каркедо матчтан кейінгі баспасөз конференциясында.
Ол "Қайраттың" агрессивті ойнағанын қоса кетті:
"Гол соға білдік, бірақ оны алып тастады. Дегенмен, жалпы нәтиже біз үшін оңды болды деп есептеймін. Біз барынша жақсы ойын көрсеттік. “Қайраттың” өте агрессивті ойнайтынын білдік, біз де агрессия танытқымыз келді, бірақ қолдан келмеді. Бұл жерде үш ұпаймен кетуге мүмкіндік бар еді, бірақ бұл - жарыс", - деді "Пафос" ФК бас бапкері.
Сондай-ақ маман Алматыдағы атмосфера мен стадиондағы ойынның күрделілігін атап өтті:
“Бұл стадионда ойын қиын болатынын білдік. Сіздер өз ойындарыңызды жасай алмадыңыздар - біз мүмкіндік бермедік", - деп түйіндеді ол.
Айта кетейік, "Қайрат" пен "Пафос" арасындағы матч тең нәтижеде аяқталған болатын.
