Таиландта демалыста жүрген қазақстандық фельдшер Гауһар Әкімова екі жасар баланы құтқарып қалды, деп хабарлайды Аqshamnews.kz тілшісі.
Желіде тараған ақпаратқа сәйкес, инфекция салдарынан ұстамасы ұстап қалған екі жасар қызға қазақстандық маман жедел түрде алғашқы медициналық көмек көрсеткен.
Айтуларынша, бүлдіршіннің жақындары туристер арасынан көмек іздеп, абдырап қалған сәтте Гауһар Әкімова жақын маңда жүрген. Ол дереу оқиға орнына жетіп, баланың жағдайын тұрақтандыруға әрекет жасап, жедел жәрдем қызметі келгенше жанынан табылған.