Жол апаты кеше түнде Медеу ауданында болды. Апат салдарынан “Toyota” көлігіндегі екі жолаушы қаза тапты, деп хабарлайды Алматыдағы аlmaty-akshamy.kz.
Аталған жағдайға байланысты Алматы облысының полиция департаментінің баспасөз қызметі түсінік берді.
Жергілікті полиция қызметінің кезекші бөлімінің хабарлауынша, бұл жол-көлік оқиғасы кеше түнде Медеу ауданында болды. «Тойота» маркалы автокөліктің жүргізушісі Талғар тас жолымен батыс бағытта келе жатып, қарама-қарсы бағытқа шығып кетіп, жеке тасымалдаушыға тиесілі автобуспен соқтығысқан.Жол апаты салдарынан «Тойота» көлігіндегі екі жолаушы қаза тапты. Екі адам қаза тапқан жол апаты бойынша қылмыстық іс қозғалды. Сараптама тағайындалды,- деді Алматы қаласының полиция департаментінің ресми өкілі Салтанат Әзірбек.