Лозаннадағы Рим археологиялық мұражайдан ежелгі алтын монеталар ұрланды, - деп хабарлайды aqshamnews.kz тілшісі.
Швейцария билігі Лозаннадағы Рим археологиялық мұражайында күзетшіге шабуыл жасап, әйнекті сындырып, сонда қойылған ондаған алтын монетаны ұрлап кеткен екі қарақшыны іздестіріп жатыр.
Қалалық полицияның хабарлауынша, күдіктілер алдымен билет сатып алып, басқа келушілердің кетуін күткен. Кейін жабылуға аз қалғанда күзетшіге шабуыл жасап, әйнекті қиратқан.
Ұрланған монеталардың ақшалай құны бірден жария етілген жоқ, бірақ полиция олардың "археологиялық маңызы бар" екенін мәлімдеді.
Ұрлық әлемдік нарықта алтын бағасы шарықтап тұрған шақта және Париждегі Луврде болған даулы оқиғадан кейін болды.
Шенеуніктердің айтуынша, Лозаннадағы мұражай күзетшісі, 64 жастағы Швейцария азаматы, тергеушілер тарапынан сұрақ-жауаптан өткен, алайда оқиға салдарынан зардап шекпеген.
Кантон прокурорлары тергеу бастады. Лозанна қаласының билігі мұражайға келген залал бойынша сот шағымын түсірді, ал алтын монеталардың иесі - өңірлік үкімет те қылмыстық арыз беруді жоспарлап отырғанын айтты.