10 жылдан кейін сахнаға оралған әнші Сырым Исабаев Аман Тасығанға берген сұхбатында Қайрат Нұртаспен арасында қарым-қатынасы қандай болғанын ашып айтты, - деп хабарлайды Аqshamnews.kz тілшісі.
"Әр тірліктің басы мен аяғы болады. Басында Қайрат екеуіміз бастағанда, мақсатымыз халыққа танылу болды. Менің таңдаған әнім Қайратқа, Қайраттың таңдаған әні маған ұнады. Бірақ уақыт өте келе екеуіміздің таңдаған әндеріміз бір бірімізге ұнамайтын кездер пайда бола бастады", - деді ол.
Әншінің айтуынша, алғашында екеуінің көзқарасы бір болған, кейін пікірлер өзгерген. Ол кезде екеуі де Қайраттың анасы әрі продюсері Гүлзира Айдарбекованың айтқанын орындап жүрген.
"Соның бәрі жүйелі түрде жүріп келіп, аяғында пікірлер өзгере бастады. Бұлай жалғаса берсе, ақыры ұрыспен бітеді. Мен ешнәрсені ұрыспен аяқтағым келмеді. Ол кезде мұның бәрін Гүлзира ханым басқарды. Сол не десе, соны жасадық", - деді Сырым Исабаев.