8 компания заңсыз медициналық жабдықтар өндірген.
Талдау нәтижесі бойынша, СҚ-Фармацияның халықты дәрілік заттармен және медициналық бұйымдармен қамтамасыз етуде сыбайлас жемқорлыққа жол бергені анықталды , деп хабарлайды Almaty-akshamy.kz
Осылайша, дәрі-дәрмектерді сатып алу бойынша аукциондардың жартысынан көбі бәсекелестік емес тәсілмен өткені белгілі болды.
2020-2023 жылдардағы аукциондардың қорытындысы бойынша үнемдеудің едәуір үлесі (81 пайыз) барлық лоттардың 8 пайызы есебінен ғана қалыптасты (6513-тен 567-сі). Әрбір үшінші лотта (1969 немесе 30 пайыз) баға (0-ден 30 тиынға дейін) мүлде төмендемеген.
Тендерлік комиссия медициналық жабдықты сатып алу кезінде тендер шарттарына сәйкес келмейтін жабдықтаушыларды аукционға қатыстырған. Сондай-ақ сатып алу құнын негізсіз көтерген.
Осылайша құны әртүрлі, бірақ техникалық сипаттамалары ұқсас медициналық жабдықтарды сатып алу бойынша 13 шарт анықталды. Олар 6,7 миллиард теңгеге асыра бағаланған.