Қазақстанда жарияланған бүгінгі қаралы күн бәріміздің жүрегімізді сыздатты. Қиын жағдайда өмірден озған отандастарымыздың туған-туыстарының қайғысына ортақпыз. Қызмет басында жүріп ерлікпен қаза тапқан ерлеріміздің есімі мәңгілік ұрпағының жадынан өшпейді. Олар трагедия туралы хабар алысымен алғашқы минуттарда халыққа көмектесу үшін еш қорқынышсыз ұшып барды. Жалпыхалықтық аза тұту күні – өзгелердің өмірі үшін өз өмірлерін қиған ерлерді еске алу. Біз үнемі жастарды патриоттыққа тәрбиелеу туралы айтамыз. Ал нағыз патриоттар жанымызда жүр. Қазақстан халқы бұл қайғыны да бірлесіп өткереді. Қайғылы оқиғада жарақаттанған азаматтарымыздың тез сауығып кетуіне тілектеспін. Қаза болған азаматтарымыздың есімі мәңгі жүрегімізде сақталады. Барша қазақ халқына қайғырып көңіл айтамын.
Светлана Ананьева, Алматы қаласы ҚХА Ғылыми-сараптамалық тобының төрайымы: Басымызға түскен қайғыны бірге көтереміз!
- Автор Almaty-akshamy
- 14:26, 29 тамыз 2021
сурет: Almaty-akshamy.kz