Осындай тақырыппен Алматы облысының ТЖД балалармен және ата-аналармен түсіндірме жұмыстарын өткізіліп жүр.
Себебі шомылу маусымындағы өзекті мәселенің бірі осы, деп хабарлайды Almaty-akshamy.kz
Су нәрестелер үшін ғана емес, үлкенірек балалар, мектеп оқушылары үшін де қауіпті.
Барлық балалар жүзуді, шомылуды, су шашуды және жай ғана судың жанында болуды жақсы көреді. Сондықтан ата-ананың балаға ерекше көңіл бөлуі керек. Расында да, жазда көп ата-ана балаларымен, ауылда уақыт өткізеді. Егер 100 метр радиуста тіпті кішкене су болса, ата-ананың міндеті - баланы бір минутқа қараусыз қалдырмау.
«Ата-аналардың назарын ауа матрацтарын, автокөлік камераларын пайдалануға ерекше аударғымыз келеді. Ересектер арасында пневматикалық матрацтар, шеңберлер және басқа да шомылу құралдары сенімді қорғаныс құралы деген қате пікір бар. Бірақ бұл олай емес. Біріншіден, өнім оңай бүлінетіндіктен және ойламаған жерде желі шығып кетуі мүмкін, екіншіден, жүзу орнынан суға тайып кетуі өте оңай, егер бала жүзе алмаса, ол суға батып кетуі мүмкін. Жүзу үшін орынды мұқият және жауапкершілікпен таңдаңыз, жағасы биік жерлерден аулақ болыңыз, судың түбі таза болуы керек. Бала қаншалықты жақсы жүзсе де, оның тереңдікте жүзуіне жол бермеңіз», дейді ТЖД мамандары.
Алматы облысының Төтенше жағдайлар департаменті жазғы демалыс кезінде балалармен және ата-аналармен су айдындары мен бассейндерде профилактикалық рейдтік іс-шаралар өткізіп, судағы қауіпсіздік мәселелері бойынша түсіндірме жұмыстары өткізуде. Сондай-ақ адамдарды құтқару және алғашқы медициналық көмек көрсетуді үйрету жұмыстары жүргізілді.
«Құрметті ата-аналар! Жаз – демалудың, жағымды эмоциялардың, жарқын әсерлердің тамаша уақыты. Бірақ бұл балалар үшін жарақаттанудың ең қәуіпті кезеңдердің бірі. Демалысыңызды мүмкіндігінше қауіпсіз етуге тырысыңыз, балаларыңызбен жақын болыңыз және оларға қамқорлық жасаңыз», делінген Алматы облысы ТЖД баспасөз қызметі таратқан ақпаратта.