Алматы аумағы соңғы 10 жылда 2,5 есе өскен.
Қазақстан мегаполистерінің халқы мен аумағы жылдан-жылға өсіп барады, деп хабарлайды Almaty-akshamy.kz ҚазТАГ сілтеме жасап.
«Ірі қалалардағы халық саны мен олардың маңындағы аумақтар жылдан-жылға өсіп бара жатыр. Оны бақылау мүмкін емес. Мәселен, соңғы 10 жылда Астана қаласының халық саны 59%-ға, Алматыда 37%-ға, Шымкентте 67%-ға өскен», - деді Сенаттың пленарлық отырысында «Агломерацияны дамыту туралы» заң жобасын таныстырған Ұлттық экономика министрі Әлібек Қуантыров.
Оның айтуынша, сонымен қатар келесі қалалардың аумақтары да біршама үлкейген: Астана елорда болғалы үш есе, Алматы соңғы 10 жылда 2,5 есе, Шымкент 3,5 есе өскен.