Америкалық рэпер Снуп Догг мәнерлеп сырғанаудан қазақстандық Олимпиада чемпионы Михаил Шайдоровты құттықтады, – деп хабарлайды aqshamnews.kz тілшісі.
Видео Қазақстан Ұлттық Олимпиада комитетінің ресми Instagram-парақшасында жарияланды. Онда танымал рэпер мен Михаил Шайдоров Миландағы орталық алаңында кездескені көрінеді.
Посмотреть эту публикацию в Instagram
Снуп Догг қазақстандық Олимпиада чемпионын жеңісімен құттықтап, бірге фотоға түсті.
Айта кетейік, Снуп Догг NBC Universal арнасының XXV қысқы Олимпиада ойындарының арнайы комментаторы ретінде қызмет етеді. Сонымен қатар, рэпер Милан қаласында Олимпиада алауы эстафетасына қатысты.
Еске салайық, Михаил Шайдоров 14 ақпанда ерлер арасында мәнерлеп сырғанаудан жекелей сында топ жарып, ел қоржынына 32 жылдан кейін кезекті алтын жүлдесін сыйлады.