Семей қаласының әкімі болып Талғат Мұратов тағайындалды. Ол бұған дейін Бесқарағай ауданының әкімі қызметін атқарған. Бұрын бұл қызметті Нұрбол Нұрсағатов атқарған, деп хабарлайды aqshamnews.kz
Әкім ауыстыру шешімі қалалық шыршаны безендіру кезінде орын алған дау-дамайдан кейін қабылданды. Безендіру жұмыстарына мұғалімдер қатыстырылып, олардың бірі жарақат алған. Бұл жағдай қоғамда үлкен резонанс тудырды. Оқу-ағарту министрі Асхат Аймағамбетов бұл оқиғаға пікір білдіріп, мұғалімдерді өз міндетіне жатпайтын жұмыстарға тартуға қатаң тыйым салынғанын еске салды. Министр мұндай әрекеттер білім беру саласының қызметкерлерінің құқықтарын бұзатынын атап өтті.