Бүгіннен бастап 3 қарашаға дейін «Комби-1» және «Комби-2» аспалы жолдары профилактикалық жұмыстарға байланысты жұмысын тоқтатады, деп хабарлады курорттың баспасөз қызметі.
21 қазаннан 3 қарашаға дейін Медеу — Шымбұлақ және ККД-4 аспалы жолдары да жабылады. Осы кезеңде Шымбұлаққа тек экоавтобустармен, таксимен немесе электромобильдермен баруға болады.
«Медеу — Шымбұлақ автожолы 9:00-ден 13:00-ге дейін және 14:00-тен 18:00-ге дейін көліктерге жабық болады. Көлікпен жүру тек 9:00-ге дейін, түскі үзіліс кезінде (13:00-тен 14:00-ке дейін) және 18:00-ден кейін мүмкін болады».
Жаяу жүргіншілер үшін шектеулер енгізілмеген. Дегенмен, жөндеу жұмыстарына байланысты жолдың қолжетімсіз болуы мүмкін екенін ескеру қажет.