Өскеменде өрт сөндірушілер дала өртімен күресіп жатыр.
ШҚО төтенше жағдайлар департаменті баспасөз қызметінің мәліметіне қарағанда, тілсіз жау 27 маусымда қаладағы Станиславский көшесінің бойындағы Скалистое саяжай қауымдастығында шыққан. Жалынның жалпы ауданы - шамамен 2 гектар, деп хабарлайды Almaty-akshamy.kz.
«Ашық алаңда шөп өртенуде. Жағдайды қатты жел мен техниканың жетуіне қиын таулы жер қиындатуда. Өртті сөндіруге облыстық ТЖД мен орман шаруашылығынан 68 адам және 13 техника жұмылдырылды», - делінген ақпаратта.