Бұл туралы Қарулы Күштердің Бас штабы Ұйымдастыру-жұмылдыру жұмыстары департаментінің бастығы, полковник Бауыржан Артықов мәлімдеді, деп хабарлады Аlmaty-akshamy.kz BAQ.KZ-ке сілтеме жасап.
1 наурыздан бастап жергілікті атқарушы органдарының 195-ші әскерге шақыру пунктерінде қалалық және аудандық әскерге шақыру комиссиялары өз жұмысын бастайды. Оған әкімдердің орынбасарлары басшылық етеді. 2023 жылы 1 шілдеге дейін Қарулы Күштерге басқа да әскер құрылымдарының қатарына әскерге шақыруды кейінге қалдыруға немесе одан босатуға негіздері жоқ 18-ден 27 жасқа дейінгі 18 мың ер азамат шақырылады, – деді Бауыржан Артықов ОКҚ-да өтіп жатқан баспасөз мәслихатында.
Артықовтың атап өтуінше, соның ішінде Қарулы Күштер 7 мыңнан астам, Ұлттық ұлан 6 мыңнан астам, Ұлттық қауіпсіздік комитетінің шекара қызметі 3 мыңнан астам, Төтенше жағдайлар министрлігі 300-ден астам, Мемлекеттік күзет қызметі 80-нен астам азаматпен толықтырылады.