Алматыда қалалық мәслихат депутаттары Қарашаш Жүзеевa мен Елена Те, сондай-ақ AMANAT партиясының Медеу аудандық филиалының төрағасы Ержан Медеуова «Шымбұлақ» тау шаңғысы курортының қызметкерлерімен кездесті, – деп хабарлайды aqshamnews.kz тілшісі.
Кездесудің негізгі тақырыбы — жаңа Конституция жобасы және алдағы республикалық референдум болды. Жиын барысында курорт қызметкерлеріне Негізгі заңның жаңартылған редакциясында ұсынылып отырған басты өзгерістер таныстырылып, дауыс беруге азаматтардың қатысуының маңызы түсіндірілді.
Атап айтқанда, спикерлер бір палаталы Парламент — Құрылтайға көшу артықшылықтарына тоқталды. Олардың айтуынша, бұл заң шығару үдерісін жеделдетіп, шешім қабылдаудың тиімділігін арттыруға ықпал етуі мүмкін.
Сондай-ақ референдумның азаматтардың тікелей ерік білдіруінің маңызды тетігі екені атап өтілді. Кездесу қорытындысында курорт қызметкерлері алдағы дауыс беруді қолдайтындарын жеткізді.
Еске салайық, Мемлекет басшысының Жарлығына сәйкес, 15 наурызда Қазақстанда жаңа Конституцияны қабылдау мәселесі бойынша республикалық референдум өткізу жоспарланған.