10-23 қыркүйек аралығында Будапеште шахматтан 45-ші Олимпиада өтеді, деп хабарлайды aqshamnews.kz.
Байрақты бәсекеге ерлер арасында 196, әйелдерден 184 мемлекеттен команда (барлығы 1896 спортшы) қатысады.
Аталмыш Олимпиадаға біздің елден баратын спортшыларымыз:
Ерлер: Әлішер Сүлейменов, Қазыбек Нөгербек, Денис Махнев, Рамазан Жалмаханов, Алдияр Аңсат.
Әйелдер: Бибісара Асаубаева, Меруерт Камалиденова, Әмина Қайырбекова, Ксения Балабаева, Алуа Нұрман.
Олимпиада 9 раундтан тұратын швейцариялық ашық турнир форматында өтеді. Уақытты бақылау 40 жүріс үшін 90 минут, содан кейін ойынның қалған бөлігіне 30 минут беріледі. Бұл кезде бірінші жүрістен кейін келесісіне 30 секунд беріледі.
Айта кету керек, бүкіләлемдік шахмат Олимпиадасы 2 жылда бір өтеді. Осыған дейінгі доданы Үндістанның Ченнай қаласы қабылдаған. Сол кезде Бибісара Асаубаева бастаған әйелдер командасы (Жансая Әбдімәлік, Гүлісхан Нахбаева, Ксения Балабаева, Назерке Нұрғали) 352 ұпаймен үздік бестікті түйіндеді. Жансая Әбдімәлік 1-тақта бойынша қола медалды місе тұтқан болатын.