Қазақстан футбол ұлттық құрамасы 2026 жылғы әлем чемпионаты іріктеуінде топ көшбасшысы Солтүстік Македониямен тең түсті, - деп хабарлайды aqshamnews.kz тілшісі.
Ойын 13-тен 14 қазанға қараған түні Скопьеде өтті. Бұған дейін қазақстандықтар Лихтенштейнді 4:0 есебімен ұтса, алаң иелері Бельгиямен 0:0 ойнаған.
Құрамалар:
- Қазақстан: Сейсен (қақпашы), Вороговский, Әліп, Қасым, Қайров, Қараман, Қуат, Зайнутдинов, Кенжебек, Свиридов, Чесноков.
- Солтүстік Македония: Димитриевски (қақпашы), Стойчевски, Велкоски, Зайков, Алиоски, Илиевски, Алими, Миовски, Барди, Эльмас, Ристовски.
Ойын барысы:
Қазақстан алғашқы минуттарда жоғары прессингпен бірнеше қауіпті сәт жасады. 33-минутта Сейсен жақын қашықтан соққыларды екі рет қайтарды, оған дейін жанкүйерлер лазермен кедергі келтірді.
54-минутта "Жеңіс" шабуылшысы Дінмұхамед Қараман айып алаңындағы абыр-сабырда қайшылап соғып, есеп ашты - 0:1. 74-минутта алаң иелерінің капитаны Энис Барди тамаша айыппен есепті теңестірді - 1:1. Соңғы минуттарда Шушеначевтің екі мүмкіндігі голға айналмады, ал 94-минутта Әлібек Қасым допты қақпа сызығынан шығарып, есепті тең сақтады.
Қорытынды есеп - 1:1.
Айта кетейік, матч алдында македониялықтар 6 ойыннан кейін 12 ұпаймен топты бастап тұрған. Transfermarkt бағалауынша, Солтүстік Македония құрамасының құны Қазақстаннан екі еседен аса жоғары (36 млн еуро vs 15 млн еуро). Тең нәтижеден кейін олар көшбасшылықты Бельгияға берді. Ал Астанада өткен алғашқы ойында қонақтар 0:1 есебімен ұтқан еді.
Матч алды Благоя Милевски Қазақстан құрамасының "сапалы команда" екенін атап өткен. Зайнутдинов сары қағаз алып, соңғы турда Бельгияға қарсы ойынды өткізіп алмақ.
